Англиянинг “Ливерпуль” клуби қишда Италиянинг “Наполи” клубининг польшалик ярим ҳимоячиси Пётр Зелиньскини сотиб олмоқчи, дея хабар бермоқда Calciomercato нашри.
Зелиньскининг шартномаси 2024 йилнинг ёзида тугайди ва неаполликлар польшалик футболчининг молиявий имтиёзлари туфайли шартномани узайтира олишмади. Шу боисдан ҳам “Ливерпуль” футболчини январь ойида мос нархга сотиб олмоқчи.
Шу билан бирга, "Интер", "Ювентус", "Лацио" ва бошқа номлари номаълум жамоалар ёзда ярим ҳимоячини эркин агент сифатида ўз сафига қўшиб олмоқчи.
Жорий мавсумда Пётр “Наполи” сафида барча турнирларда 19 та ўйин ўтказиб, 3 та гол ва 3 та голли узатмага муаллифлик қилган. Transfermarkt портали футболчининг бозор қиймати 35 миллион еврога баҳоламоқда.
