"Chelsi" bosh murabbiyi Maurisio Pochettino uni hamma joyda tanqid qilishlarini tan oldi.

Argentinalik mutaxassis joriy mavsum boshlanishidan oldin London jamoasini qabul qilib olgan edi. “Ko‘klar” ayni damda APL turnir jadvalida 14 o‘yindan so‘ng 19 ochko jamg‘argan holda o‘ninchi o‘rinda bormoqda.

“Men ommaviy axborot vositalarida, ijtimoiy tarmoqlarda, elektron pochta, shaxsiy xabarlar va qo‘ng‘iroqlar orqali tanqid qilinaman. Biz buni birinchi bo‘lib his qilyapmiz, lekin bunga e’tibor qarata olmaysiz”, — deya Pochettinoning chorshanba kuni “Manchester Yunayted”ga qarshi safar o‘yini oldidan so‘zlaridan iqtibos keltiradi The Telegraph.