"Челси" бош мураббийи Маурисио Почеттино уни ҳамма жойда танқид қилишларини тан олди.
Аргентиналик мутахассис жорий мавсум бошланишидан олдин Лондон жамоасини қабул қилиб олган эди. “Кўклар” айни дамда АПЛ турнир жадвалида 14 ўйиндан сўнг 19 очко жамғарган ҳолда ўнинчи ўринда бормоқда.
“Мен оммавий ахборот воситаларида, ижтимоий тармоқларда, электрон почта, шахсий хабарлар ва қўнғироқлар орқали танқид қилинаман. Биз буни биринчи бўлиб ҳис қиляпмиз, лекин бунга эътибор қарата олмайсиз”, — дея Почеттинонинг чоршанба куни “Манчестер Юнайтед”га қарши сафар ўйини олдидан сўзларидан иқтибос келтиради The Telegraph.
