Kataloniyaning "Barselona" klubi o‘zining asosiy darvozaboni Mark-Andre ter Shtegenni hech bo‘lmaganda qisqa muddatga almashtirmoqchi. Eslatib o‘tamiz, nemis belidagi operasiya tufayli ikki oyga yaqin maydonni o‘tkazib yuboradi.
Mundo Deportivo xabariga ko‘ra, "Barselona" uchun variantlardan biri "Manchester Yunayted"ni tark etganidan so‘ng hozirda erkin agent bo‘lib turgan David de Xeani taklif qilishdir.
Manbaning qayd etishicha, "Barselona" De Xea nomzodiga jiddiy qaramoqda. Eslatib o‘tamiz, Ter Shtegen jarohati tufayli fevral oyidagi Chempionlar ligasining ⅛ finali birinchi o‘yinini o‘tkazib yuborishi mumkin.
