Milanning “Inter” klubi hujumchisi Lautaro Martines tez orada Simone Indzagi jamoasi bilan shartnomasini uzaytiradi.
La Gazzetta dello Sport nashri yangi shartnoma shartlari va tafsilotlarini oshkor qildi. Manbaga ko‘ra, argentinalik futbolchi 2028 yilning yoziga qadar shartnoma imzolaydi. Lautaroning maoshi yiliga 7 million yevroni tashkil qiladi.
Joriy mavsumda Martines Italiya A Seriyasining eng yaxshi to‘purari hisoblanadi. Hujumchi chempionatning 14 uchrashuvida 13 ta gol va 2 ta golli uzatmaga ega.
Eslatib o‘tamiz, avvalroq turli chempionatlarning ko‘plab top-klublari Lautaro xizmatlariga qiziqish bildirishgan, biroq Martines har doim uning "Inter"da qolish istagini ta’kidlab kelgan.
