Миланнинг “Интер” клуби ҳужумчиси Лаутаро Мартинес тез орада Симоне Индзаги жамоаси билан шартномасини узайтиради.
La Gazzetta dello Sport нашри янги шартнома шартлари ва тафсилотларини ошкор қилди. Манбага кўра, аргентиналик футболчи 2028 йилнинг ёзига қадар шартнома имзолайди. Лаутаронинг маоши йилига 7 миллион еврони ташкил қилади.
Жорий мавсумда Мартинес Италия А Сериясининг энг яхши тўпурари ҳисобланади. Ҳужумчи чемпионатнинг 14 учрашувида 13 та гол ва 2 та голли узатмага эга.
Эслатиб ўтамиз, аввалроқ турли чемпионатларнинг кўплаб топ-клублари Лаутаро хизматларига қизиқиш билдиришган, бироқ Мартинес ҳар доим унинг "Интер"да қолиш истагини таъкидлаб келган.
