"Manchester Yunayted" yarim himoyachisi Skott Maktominey "Chelsi"ga qarshi o‘yindagi dubldan so‘ng o‘z fikrlari bilan o‘rtoqlashdi.
"Men doim jarima maydonchasi ichiga kirib borishni va gol urishni yaxshi ko‘raman. O‘yin davomida men xet-trik qayd etishim mumkindek tuyuldi. Murabbiy bizning o‘yinga bo‘lgan yondashuvimizni o‘zgartirdi, uning mashg‘ulot usullari energiyani saqlash va bosimga dosh berishga imkon beradi", - deya futbolchining so‘zlarini keltiradi BBC Sport.
Angliya chempionatining navbatdagi turida “Manchester Yunayted” “Bornmut”ga qarshi bahs olib boradi. Ushbu o‘yin 9 dekabr, shanba kuni "Old Trafford"da bo‘lib o‘tadi.
