Italiyaning "Milan" klubi joriy mavsumni ijara asosida "Vilyarreal"da o‘tkazayotgan markaziy himoyachisi Matteo Gabbiyani qaytarib olmoqchi.

Jurnalist Fabrisio Romanoning xabariga ko‘ra, "rossonerilar" 24 yoshli italiyalikni qaytarish bo‘yicha "sariq suvosti kemasi" bilan muzokaralar olib bormoqda.

Qayd etilishicha, Gabbiyaning o‘zi mavsum o‘rtasida “Vilyarreal”dagi ijarasini tugatib, "Milan"ga qaytishga tayyor. Matteoni ortga qaytarish orqali "rossonerilar" pulni tejashni va yangi markaziy himoyachi sotib olishga pul sarflamaslikni istaydi.

Joriy mavsumda Gabbiya Ispaniya La Ligasida 7 ta o‘yinda maydonga tushdi.