Италиянинг "Милан" клуби жорий мавсумни ижара асосида "Вильярреал"да ўтказаётган марказий ҳимоячиси Маттео Габбияни қайтариб олмоқчи.
Журналист Фабрицио Романонинг хабарига кўра, "россонерилар" 24 ёшли италияликни қайтариш бўйича "сариқ сувости кемаси" билан музокаралар олиб бормоқда.
Қайд этилишича, Габбиянинг ўзи мавсум ўртасида “Вильярреал”даги ижарасини тугатиб, "Милан"га қайтишга тайёр. Маттеони ортга қайтариш орқали "россонерилар" пулни тежашни ва янги марказий ҳимоячи сотиб олишга пул сарфламасликни истайди.
Жорий мавсумда Габбия Испания Ла Лигасида 7 та ўйинда майдонга тушди.
