Turinning "Yuventus" klubi qishki transferlar vaqtida "Shaxtyor" yarim himoyachisi Georgiy Sudakovni o‘z safiga qo‘shib olishga urinib ko‘radi, deb xabar beradi TuttoJuve nashri.
Manbaga ko‘ra, 21 yoshli ukrainalik futbolchining transferi agar Donesk klubi uning uchun 25 million yevrodan ko‘proq so‘ramasa, amalga oshishi mumkin.
Turinliklar o‘yinchini sotib olish imkoniyati bilan ijaraga olmoqchi, ammo ular majburiy sotib olish sharti bilan ijaraga ham rozi bo‘lishlari mumkin.
Avvalroq “Yuventus” Sudakov uchun 10-15 million yevro taklif qilish imkoniyatini ko‘rib chiqayotgani haqida xabar berilgandi. Futbolchi joriy mavsum “Shaxtyor” safida barcha musobaqalarda 17 ta o‘yinda maydonga tushdi. Uning hisobida uchta gol va bitta golli uzatma bor.
Avvalroq, futbolchini Londonning “Arsenal”, Portugaliyaning “Benfika”, “Brayton” va Londonning “Chelsi” klublari skautlari kuzatayotgani xabar qilingandi.
