Kecha Ispaniya La Ligasi doirasida bo‘lib o‘tgan uchrashuvda (1:1) "Real" darvozasini ishg‘ol qilgan "Betis" hujumchisi Aytor Ruibal ushbu o‘yindan so‘ng "Qirollik klubi" yarim himoyachisi Jud Bellingem ayni damda dunyoning eng yaxshi futbolchisimi, degan savolga javob berdi.
"Bellingem dunyoning eng yaxshi futbolchisimi? Lionel Messi o‘ynashda davom etayotgan ekan, men bunday deb o‘ylamayman", - dedi Ruibal El Chiringuito bilan suhbatda.
Eslatib o‘tamiz, bu mavsumda Bellingem barcha turnirlarda 18 ta o‘yinda qatnashib, 16 ta gol va 4 ta golli uzatmani amalga oshirgan. O‘z navbatida Amerikaning "Inter Mayami" klubida o‘ynayotgan Messi barcha musobaqalarda 14ta o‘yinda maydonga tushib, 11ta gol va 5ta golli uzatmani amalga oshirgan.
