Кеча Испания Ла Лигаси доирасида бўлиб ўтган учрашувда (1:1) "Реал" дарвозасини ишғол қилган "Бетис" ҳужумчиси Айтор Руибаль ушбу ўйиндан сўнг "Қироллик клуби" ярим ҳимоячиси Жуд Беллингем айни дамда дунёнинг энг яхши футболчисими, деган саволга жавоб берди.
"Беллингем дунёнинг энг яхши футболчисими? Лионель Месси ўйнашда давом этаётган экан, мен бундай деб ўйламайман", - деди Руибаль El Chiringuito билан суҳбатда.
Эслатиб ўтамиз, бу мавсумда Беллингем барча турнирларда 18 та ўйинда қатнашиб, 16 та гол ва 4 та голли узатмани амалга оширган. Ўз навбатида Американинг "Интер Майами" клубида ўйнаётган Месси барча мусобақаларда 14та ўйинда майдонга тушиб, 11та гол ва 5та голли узатмани амалга оширган.
