"Atletiko Madrid"ning sobiq futbolchisi Filipe Luis Diyego Simeone bilan ishlash unga qanday ta’sir qilgani haqida gapirdi.
Braziliyalik futbolchi "matraschilar" safida ikkita marta o‘ynagan - 2010 yildan 2014 yilgacha va 2015 yildan 2019 yilgacha.
"Simeone mening fikrimni o‘zgartirdi. U meni o‘zgartirdi va chempion bo‘lishimda hal qiluvchi rol o‘ynadi. Endi men hamma narsada g‘alaba qozonish bilan bandman: o‘g‘lim maydonni yig‘lab tark etadi, chunki, uning g‘alaba qozonishiga yo‘l qo‘ymayman. Bu mening mohiyatim va Diyego bilan ishlash bunga ta’sir qildi.
Uning o‘ziga xos usullari bor - u o‘zini futbolchidek tutadi. U hamma bilan shug‘ullanadi, yuguradi, murabbiy sifatida emas, sardor sifatida futbolchilar bilan gaplashadi. U bizni jamoa birinchi o‘rinda turishiga ishontirdi" - dedi yaqinda faoliyatini yakunlaganini e’lon qilgan Luis Charla Podcast bilan suhbatda.
