"Атлетико Мадрид"нинг собиқ футболчиси Филипе Луис Диего Симеоне билан ишлаш унга қандай таъсир қилгани ҳақида гапирди.
Бразилиялик футболчи "матрасчилар" сафида иккита марта ўйнаган - 2010 йилдан 2014 йилгача ва 2015 йилдан 2019 йилгача.
"Симеоне менинг фикримни ўзгартирди. У мени ўзгартирди ва чемпион бўлишимда ҳал қилувчи роль ўйнади. Энди мен ҳамма нарсада ғалаба қозониш билан бандман: ўғлим майдонни йиғлаб тарк этади, чунки, унинг ғалаба қозонишига йўл қўймайман. Бу менинг моҳиятим ва Диего билан ишлаш бунга таъсир қилди.
Унинг ўзига хос усуллари бор - у ўзини футболчидек тутади. У ҳамма билан шуғулланади, югуради, мураббий сифатида эмас, сардор сифатида футболчилар билан гаплашади. У бизни жамоа биринчи ўринда туришига ишонтирди" - деди яқинда фаолиятини якунлаганини эълон қилган Луис Charla Podcast билан суҳбатда.
