Aleksandr Cheferin UEFA rahbariyatida 2031 yilgacha qolishi mumkin.
Yevropa futbol assosiasiyalari ittifoqining amaldagi prezidenti tashkilot nizomiga o‘zgartirishlar kiritishni rejalashtirmoqda, bu esa unga to‘rtinchi muddatga saylanish imkonini beradi, deb xabar bermoqda Daily Mail.
Cheferin 2016 yilda UEFA prezidenti lavozimidan chetlashtirilgan Mishel Platinining o‘rniga saylangan edi. Platini o‘z lavozimida qolishi kerak bo‘lgan 2,5 yil davomida sloveniyalik Ittifoqni boshqargan, keyin esa ikki marta – 2019 va 2023 yillarda qayta saylangan. Uning vakolat muddati 2027 yilda tugaydi.
Hozirda UEFA rahbariyatidagi to‘rt yillik muddatlar soni ketma-ket uchtasi bilan cheklangan, bu chegarani Cheferinning o‘zi belgilagan. Biroq, taklif qilingan tuzatishga ko‘ra, 2017 yil iyulidan oldin boshlangan har qanday davr hisobga olinmaydi. Bu UEFA rahbariga yana o‘z nomzodini qo‘yish imkonini beradi.
Taklif etilayotgan tuzatishlar Parijdagi Kongressda ovozga qo‘yiladi.
Qayd etilishicha, UEFA ijroiya qo‘mitasi a’zosi, “Manchester Yunayted”ning sobiq direktori Devid Gill nizomga o‘zgartirish kiritishga qarshi. Uning so‘zlariga ko‘ra, taklif etilayotgan tuzatishlar nodemokratik va futbol manfaatlariga mos kelmaydi.
66 yoshli mutaxassis, shuningdek, prezidentlik va ijrochi lavozimlarni egallaganlar uchun amaldagi chegarani uzaytirish UEFAni "FIFA sobiq prezidenti Zepp Blatter va uning UEFA hamkasbi Mishel Platini bilan tavsiflangan yomon futbol boshqaruvi davriga" qaytarishi mumkinligini aytdi.
