Fransiya IIV rahbari Karim Benzemaning xatti-harakatidan qoniqmasligini aytdi.
Eslatib o‘tamiz, avvalroq Fransiya terma jamoasi va “Real Madrid”ning sobiq hujumchisi Yaqin Sharqdagi mojaro haqida shunday yozgan edi: "Biz na ayollar va na bolalarni ayamaydigan nohaq portlash qurboniga aylangan G‘azo aholisi uchun yana duo qilamiz"
Shundan so‘ng, Fransiya ichki ishlar vaziri Jerald Darmanin Karimning terrorchilar bilan aloqasi borligini e’lon qildi: "Barchamizga ma’lumki, Benzema "Musulmon birodarlar" bilan aloqada".
"Men jihodchilik muhiti, radikal islomga yetaklovchi tushuncha, bu radikal islom tarafdorlari bor, degan nuqtai nazarimga sodiqman.
Men uni ajoyib futbolchi deb bilaman, shaxsan u bilan hech qanday muammom yo‘q. Lekin janob Benzema professorlarning o‘ldirilishi haqida bir og‘iz so‘z aytmasa, Fransiyada islomiy teraktlar sodir bo‘layotganida bir og‘iz so‘z aytmasa, afsusdaman, chunki uni millionlab odamlar kuzatib boradi. U shunchaki futbolchi emas, millionlab odamlar unga ergashadi" - dedi Darmanen Brut nashriga bergan intervyusida.
