Франция ИИВ раҳбари Карим Бенземанинг хатти-ҳаракатидан қониқмаслигини айтди.
Эслатиб ўтамиз, аввалроқ Франция терма жамоаси ва “Реал Мадрид”нинг собиқ ҳужумчиси Яқин Шарқдаги можаро ҳақида шундай ёзган эди: "Биз на аёллар ва на болаларни аямайдиган ноҳақ портлаш қурбонига айланган Ғазо аҳолиси учун яна дуо қиламиз"
Шундан сўнг, Франция ички ишлар вазири Жеральд Дарманин Каримнинг террорчилар билан алоқаси борлигини эълон қилди: "Барчамизга маълумки, Бензема "Мусулмон биродарлар" билан алоқада".
"Мен жиҳодчилик муҳити, радикал исломга етакловчи тушунча, бу радикал ислом тарафдорлари бор, деган нуқтаи назаримга содиқман.
Мен уни ажойиб футболчи деб биламан, шахсан у билан ҳеч қандай муаммом йўқ. Лекин жаноб Бензема профессорларнинг ўлдирилиши ҳақида бир оғиз сўз айтмаса, Францияда исломий терактлар содир бўлаётганида бир оғиз сўз айтмаса, афсусдаман, чунки уни миллионлаб одамлар кузатиб боради. У шунчаки футболчи эмас, миллионлаб одамлар унга эргашади" - деди Дарманен Brut нашрига берган интервьюсида.
