Frank de Bur 14 ta o‘yindan so‘ng "Al Jazira" klubidan iste’foga chiqarildi.
53 yoshli niderlandiyalik murabbiy iyun oyida Abu-Dabi klubini qabul qilib olgandi. Uning qo‘l ostidagi 14 uchrashuvda jamoa 6 marta g‘alaba qozongan, 5 marta mag‘lub bo‘lgan va uch marta durang o‘ynagan.
"Boshqaruv kengashi so‘nggi davrdagi o‘yin sifati va natijalarning pasayishi sababli asosiy jamoa bosh murabbiyi Frank de Burni iste’foga chiqarishga qaror qildi, bu esa jamoa oldiga qo‘yilgan maqsadlarga to‘g‘ri kelmaydi", - deyiladi "Al-Jazira" bayonotida.
Frank avvalroq “Atlanta Yunayted”ni ham boshqargan.
