Nagasaki gubernatori Kengo Oishi portugaliyalik hujumchi Krishtianu Ronaldu bilan uchrashishga uringani uchun o‘z lavozimini yo‘qotishi mumkin, deb xabar bermoqda Marca.

Manbaga ko‘ra, iyul oyida Oishi Osaka shahrida bo‘lib o‘tgan “An-Nasr” – “PSJ” o‘rtoqlik uchrashuviga tashrif buyurgan. Funksioner o‘yinga borish uchun davlat pulidan foydalanganlikda ayblanmoqda. Gubernator o‘yinda ishtirok etish uchun rasmiy uchrashuvni ham o‘tkazib yubordi.

Oishining o‘zi esa chiptani o‘z puliga sotib olganini, biroq turar joy va yo‘l xarajatlari davlat byudjetidan olinganini ta’kidlamoqda. Gubernatorning aytishicha, tadbirdan maqsad Ronaldu bilan bo‘lajak reklama tadbirida ishtirok etishi haqida gaplashish bo‘lgan, ba’zi rasmiylar esa portugaliyalik hujumchi bilan hech qanday kelishuv yo‘qligini aytishgan.