Нагасаки губернатори Кенго Оиши португалиялик ҳужумчи Криштиану Роналду билан учрашишга урингани учун ўз лавозимини йўқотиши мумкин, деб хабар бермоқда Marca.
Манбага кўра, июл ойида Оиши Осака шаҳрида бўлиб ўтган “Ан-Наср” – “ПСЖ” ўртоқлик учрашувига ташриф буюрган. Функционер ўйинга бориш учун давлат пулидан фойдаланганликда айбланмоқда. Губернатор ўйинда иштирок этиш учун расмий учрашувни ҳам ўтказиб юборди.
Оишининг ўзи эса чиптани ўз пулига сотиб олганини, бироқ турар жой ва йўл харажатлари давлат бюджетидан олинганини таъкидламоқда. Губернаторнинг айтишича, тадбирдан мақсад Роналду билан бўлажак реклама тадбирида иштирок этиши ҳақида гаплашиш бўлган, баъзи расмийлар эса португалиялик ҳужумчи билан ҳеч қандай келишув йўқлигини айтишган.
