Lionel Messining klubi 2023 yilda Google'da eng ko‘p qidirilgan jamoa bo‘ldi.

Argentinalik jahon chempioni yozda "PSJ"dan "Inter Mayami"ga o‘tgan edi. Floridaliklar klubi joriy yilda qidiruv tizimida eng ko‘p io‘langan jamoa bo‘ldi.

NBA vakili "Los-Anjeles Leykers" mashhurlik bo‘yicha ikkinchi o‘rinni egalladi. Uchinchi o‘rinni esa Krishtianu Ronaldu o‘ynayotgan Saudiya Arabistonining “An-Nasr” jamoasi yakunladi.

To‘rtinchi o‘rinda 2022/23 yilgi mavsumda treblga erishgan "Manchester Siti" joylashgan. Beshinchi o‘rinda yana bir NBA klubi - "Mayami Xit".

Oltinchi o‘rin "Texas Reynjers" beysbol jamoasiga nasib etdi. Yettinchi natija Neymar, Malkom va boshqa yulduz futbolchilarni sotib olgan Saudiyaning “Al-Hilol” klubi bo‘ldi.

Sakkizinchi o‘rinni o‘tgan mavsumning so‘nggi turida Germaniya chempionatidan quruq qolgan “Borussiya Dortmund” egalladi. Hindiston kriket jamoasi to‘qqizinchi o‘rinda.

Kuchli o‘ntalikni NXLning "Boston Bryuins" klubi yakunladi.