Лионел Мессининг клуби 2023 йилда Google'да энг кўп қидирилган жамоа бўлди.
Аргентиналик жаҳон чемпиони ёзда "ПСЖ"дан "Интер Майами"га ўтган эди. Флоридаликлар клуби жорий йилда қидирув тизимида энг кўп иўланган жамоа бўлди.
НБА вакили "Лос-Анжелес Лейкерс" машҳурлик бўйича иккинчи ўринни эгаллади. Учинчи ўринни эса Криштиану Роналду ўйнаётган Саудия Арабистонининг “Ан-Наср” жамоаси якунлади.
Тўртинчи ўринда 2022/23 йилги мавсумда треблга эришган "Манчестер Сити" жойлашган. Бешинчи ўринда яна бир НБА клуби - "Майами Хит".
Олтинчи ўрин "Техас Рейнжерс" бейсбол жамоасига насиб этди. Еттинчи натижа Неймар, Малком ва бошқа юлдуз футболчиларни сотиб олган Саудиянинг “Ал-Ҳилол” клуби бўлди.
Саккизинчи ўринни ўтган мавсумнинг сўнгги турида Германия чемпионатидан қуруқ қолган “Боруссия Дортмунд” эгаллади. Ҳиндистон крикет жамоаси тўққизинчи ўринда.
Кучли ўнталикни НХЛнинг "Бостон Брюинс" клуби якунлади.
