"Manchester Yunayted"ning niderlandiyalik yarim himoyachisi Donni van de Bek qishki transferlar vaqtida Frankfurtning "Ayntraxt" klubiga ijara asosida o‘tishi mumkin. Bu haqda jurnalist Fabrisio Romano xabar berdi.
Manbaga ko‘ra, ayni damda aynan "Ayntraxt" van de Bek bilan ijara shartnomasini imzolash uchun kurashda peshqadam bo‘lib turibdi. Klublar muzokara jarayonining ilg‘or bosqichida.
Eslatib o‘tamiz, avvalroq niderlandiyalik futbolchi "Manchester Yunayted"da o‘ynayotgan vaqtdan norozi ekanini aytgandi. Futbolchini qo‘lga kiritish uchun davogarlar orasida "Barselona" va "Jirona" ham bor edi.
Joriy mavsumda 26 yoshli futbolchi barcha turnirlarda ikkita o‘yinda qatnashdi.
