"Манчестер Юнайтед"нинг нидерландиялик ярим ҳимоячиси Донни ван де Бек қишки трансферлар вақтида Франкфуртнинг "Айнтрахт" клубига ижара асосида ўтиши мумкин. Бу ҳақда журналист Фабрицио Романо хабар берди.
Манбага кўра, айни дамда айнан "Айнтрахт" ван де Бек билан ижара шартномасини имзолаш учун курашда пешқадам бўлиб турибди. Клублар музокара жараёнининг илғор босқичида.
Эслатиб ўтамиз, аввалроқ нидерландиялик футболчи "Манчестер Юнайтед"да ўйнаётган вақтдан норози эканини айтганди. Футболчини қўлга киритиш учун давогарлар орасида "Барселона" ва "Жирона" ҳам бор эди.
Жорий мавсумда 26 ёшли футболчи барча турнирларда иккита ўйинда қатнашди.
