«Real» bosh murabbiyi Karlo Anchelotti «Union Berlin»ga qarshi o‘yindan so‘ng intervyu berib o‘tdi. «Real» Bundesliga vakilini 3:2 hisobida mag‘lub etdi.
«Bu biroz g‘alati jang edi. Biz 40 daqiqa davomida o‘yinni yaxshi nazorat qildik, ammo ikki daqiqalik tushunarsiz holatda ular o‘yinni biz uchun qiyinlashtirdilar.
Ikkinchi bo‘limda biz samaraliroq bo‘lishga harakat qildik, qanotlardan to‘plar oldik. Bizda ikkinchi qavatda kuchli bo‘lgan juda yaxshi o‘yinchi bor, u boshi bilan ikkita gol urdi.
Agar jamoangizda Xoseludek o‘yinchi bo‘lsa, ko‘proq ikkinchi qavatda harakat qilib ko‘rish kerak», - dedi Karlo.
