"Manchester Yunayted" seshanba oqshomida "Bavariya"ga 0:1 hisobida mag‘lub bo‘ldi va Chempionlar ligasi guruhida so‘nggi o‘rinni egalladi. Jamoaning sobiq futbolchisi Andrey Kanchelskis "qizil iblislar"ning natijasi haqida fikr bildirdi.
Kanchelskisning so‘zlariga ko‘ra, uning uchun "Manchester Yunayted"ning Chempionlar ligasidagi natijasi kutilmagan bo‘lgan, chunki "qizil iblislar" "Bavariya" bilan birga pley-offga yo‘l olishiga hamma ishongan.
"Guruhdagi so‘nggi o‘rin – hayratlanarli natija. Biz hech bo‘lmaganda Yevropa ligasiga kirishimiz kerak edi, lekin nima qilasan, bu hayot, bu futbol. Chempionlar ligasi guruhidan tushib ketish "Manchester Yunayted" uchun sharmandalik" - deya Kanchelskis Metaratings bilan suhbatda.
“Manchester Yunayted” yevrokuboklardan chiqib ketganidan so‘ng bor e’tiborini ichki maydondagi o‘yinlariga qaratishi mumkin bo‘ladi.
