Turinning “Yuventus” klubi markaziy himoyachisi Gleyson Bremer Massimiliano Allegri jamoasi bilan shartnomasini uzaytirishga yaqin turibdi. Sky Sport xabariga ko‘ra, yangi shartnoma 2028 yilning yoziga qadar amal qilishi kerak.
Eslatib o‘tamiz, ushbu mavsum boshlanishidan oldin ham matbuotda Bremerning "Yuventus"ni tark etishi mumkinligi haqida xabarlar tarqalgan edi. Biroq rahbariyat yakunda braziliyalikni o‘zida saqlab qoldi va keyin u bilan shartnomani uzaytirishga qaror qildi.
Bremer “Yuventus”ga 2022 yilning yozida “Torino”dan kelib qo‘shilgandi.
