Turkiya futbol federasiyasi "Anqaraguju" prezidenti Faruk Kojani hakamni kaltaklagani uchun umrbod futboldan chetlatdi, deb xabar beradi tashkilot saytida.
Turkiya Superligasining 15-turidan o‘rin olgan “Rizespor”ga (1:1) qarshi o‘yindan so‘ng Koja hakam Halil Umut Melerga musht tushurdi. Uning xatti-harakatlariga Melerning ishidan norozilik sabab bo‘lgan.
12 dekabr kuni Turkiya futbol federasiyasi mamlakatdagi barcha ligalardagi o‘yinlar noma’lum muddatga to‘xtatilganini e’lon qildi. Turkiya prezidenti Rajab Toyyib Erdo‘g‘on hakamga qilingan hujumni qoralab, uning tezroq sog‘ayib ketishini tiladi.