Туркия футбол федерацияси "Анқарагужу" президенти Фарук Кожани ҳакамни калтаклагани учун умрбод футболдан четлатди, деб хабар беради ташкилот сайтида.
Туркия Суперлигасининг 15-туридан ўрин олган “Ризеспор”га (1:1) қарши ўйиндан сўнг Кожа ҳакам Ҳалил Умут Мелерга мушт тушурди. Унинг хатти-ҳаракатларига Мелернинг ишидан норозилик сабаб бўлган.
12 декабрь куни Туркия футбол федерацияси мамлакатдаги барча лигалардаги ўйинлар номаълум муддатга тўхтатилганини эълон қилди. Туркия президенти Ражаб Тоййиб Эрдўғон ҳакамга қилинган ҳужумни қоралаб, унинг тезроқ соғайиб кетишини тилади.
