"Manchester Yunayted" himoyachisi Jonni Evans "qizil iblislar" bosh murabbiyi Erik ten Xagni qo‘llab-quvvatladi.
"Ten Xag - fantastik murabbiy, men uning professional darajasiga shubha qilmayman. Qishda bizda jamoani kuchaytirish imkoniyati bo‘ladi. Biz Yevropa musobaqasidan chiqib ketdik, shuning uchun bizda ko‘proq vaqt bo‘ladi. Klub hozir qiyin davrni boshdan kechirmoqda, ammo umid qilamanki, biz barqarorlikka erishamiz. Bu hamma uchun yaxshi bo‘ladi", - dedi Evans Daily Mail bilan suhbatda.
Eslatib o‘tamiz, "Manchester Yunayted" Chempionlar ligasida muvaffaqiyatsizlikka uchradi va guruhda so‘nggi o‘rinni egalladi. "Qizil iblislar" APL turnir jadvalida oltinchi o‘rinda bormoqda.