"Манчестер Юнайтед" ҳимоячиси Жонни Эванс "қизил иблислар" бош мураббийи Эрик тен Хагни қўллаб-қувватлади.
"Тен Хаг - фантастик мураббий, мен унинг профессионал даражасига шубҳа қилмайман. Қишда бизда жамоани кучайтириш имконияти бўлади. Биз Европа мусобақасидан чиқиб кетдик, шунинг учун бизда кўпроқ вақт бўлади. Клуб ҳозир қийин даврни бошдан кечирмоқда, аммо умид қиламанки, биз барқарорликка эришамиз. Бу ҳамма учун яхши бўлади", - деди Эванс Daily Mail билан суҳбатда.
Эслатиб ўтамиз, "Манчестер Юнайтед" Чемпионлар лигасида муваффақиятсизликка учради ва гуруҳда сўнгги ўринни эгаллади. "Қизил иблислар" АПЛ турнир жадвалида олтинчи ўринда бормоқда.
