"Lill" markaziy himoyachisi Leni Yoro "Real"ga o‘tishi mumkin.

Noyabr oyida o‘zining 18 yoshini nishonlagan futbolchiga da’vogarlar qatorida "Qirollik klubi" nomi qayd etilgan. Olingan ma’lumotlarga ko‘ra, "Real Madrid" Yoro Rafael Varan yo‘lidan borishga qodir, deb hisoblaydi - u ham yoshligida Fransiyadan "Los-Blankos" safiga qo‘shilgan. "Lill" futbolchini o‘zida saqlab qolish niyatida, shu bois u uchun kamida 50 million yevro talab qiladi. "PSJ" ham istiqbolli markaziy himoyachini sotib olishga qiziqmoqda.

Leni Yoro ushbu mavsumda 19 ta o‘yinda 3 ta gol urdi. Transfermarkt portali fransiyalik futbolchining narxini 18 million yevroga baholamoqda.