"Лилль" марказий ҳимоячиси Лени Йоро "Реал"га ўтиши мумкин.
Ноябрь ойида ўзининг 18 ёшини нишонлаган футболчига даъвогарлар қаторида "Қироллик клуби" номи қайд этилган. Олинган маълумотларга кўра, "Реал Мадрид" Йоро Рафаэль Варан йўлидан боришга қодир, деб ҳисоблайди - у ҳам ёшлигида Франциядан "Лос-Бланкос" сафига қўшилган. "Лилль" футболчини ўзида сақлаб қолиш ниятида, шу боис у учун камида 50 миллион евро талаб қилади. "ПСЖ" ҳам истиқболли марказий ҳимоячини сотиб олишга қизиқмоқда.
Лени Йоро ушбу мавсумда 19 та ўйинда 3 та гол урди. Transfermarkt портали франциялик футболчининг нархини 18 миллион еврога баҳоламоқда.
