"Tottenxem" hujumchisi Risharlison APLdagi gollari soni bo‘yicha "shporlar"ning sobiq futbolchisi Garet Beyl bilan tenglashdi.

Braziliyalik futbolchi juma kuni "Nottingem Forest"ga (2:0) qarshi o‘yinda gol urgan bo‘lsa, avvalgi turda "Nyukasl"ga qarshi o‘yinda (4:1) dubl qayd etgandi. Squawka xabariga ko‘ra, Risharlison hozirda Premyer-ligada 53 gol va 22 golli uzatmaga ega - bu ko‘rsatkichlar ilgari "Tottenxem"da muvaffaqiyatli o‘ynagan Garet Beyl bilan bir xil. To‘g‘ri, bunday natijaga erishish uchun uelslik futbolchiga bor-yo‘g‘i 166 ta, hozirgi "shporlar" hujumchisiga esa 214 ta uchrashuv kerak bo‘ldi.

Joriy mavsumda Risharlison Angliya chempionatida 14 ta uchrashuvda 4 ta gol va 3 ta golli uzatmaga mualliflik qildi.