"Тоттенхэм" ҳужумчиси Ришарлисон АПЛдаги голлари сони бўйича "шпорлар"нинг собиқ футболчиси Гарет Бэйл билан тенглашди.

Бразилиялик футболчи жума куни "Ноттингем Форест"га (2:0) қарши ўйинда гол урган бўлса, аввалги турда "Ньюкасл"га қарши ўйинда (4:1) дубль қайд этганди. Squawka хабарига кўра, Ришарлисон ҳозирда Премьер-лигада 53 гол ва 22 голли узатмага эга - бу кўрсаткичлар илгари "Тоттенхэм"да муваффақиятли ўйнаган Гарет Бейл билан бир хил. Тўғри, бундай натижага эришиш учун уэльслик футболчига бор-йўғи 166 та, ҳозирги "шпорлар" ҳужумчисига эса 214 та учрашув керак бўлди.

Жорий мавсумда Ришарлисон Англия чемпионатида 14 та учрашувда 4 та гол ва 3 та голли узатмага муаллифлик қилди.