Turinning "Yuventus" klubi yangi yarim himoyachi sotib olish ustida ishlamoqda.

Italiyalik jurnalist Romeo Agrestining yozishicha, klub hozircha birorta transfer maqsadini aniqlagani yo‘q, ammo “keksa sinyora” vakillari “Shaxtyor”dan Georgiy Sudakov va “Atletiko”dan Rodrigo De Paul atrofidagilar bilan muzokaralar olib bormoqda.

“Byankonerilar” “Atalanta” yarim himoyachisi Teyon Kopmeynersga ham qiziqish bildirmoqda. Turin klubining 25 yoshli niderlandiyalik qiziqishi shu yilning fevral oyida ma’lum bo‘lgandi. Yozda “Atalanta” uni 50 million yevroga baholagan bo‘lsa, yanvarda bu narx 40–45 million yevrogacha tushishi mumkin.

TuttoJuve nashri xabariga ko‘ra, "Yuventus" Sudakov uchun 25 million yevro to‘lashga tayyor. Ukrainalik futbolchi joriy mavsumda "Shaxtyor" safida barcha turnirlarda 17ta o‘yin o‘tkazdi. Uning hisobida uchta gol va bitta golli uzatma bor.