Туриннинг "Ювентус" клуби янги ярим ҳимоячи сотиб олиш устида ишламоқда.
Италиялик журналист Ромео Агрестининг ёзишича, клуб ҳозирча бирорта трансфер мақсадини аниқлагани йўқ, аммо “кекса синьора” вакиллари “Шахтёр”дан Георгий Судаков ва “Атлетико”дан Родриго Де Пауль атрофидагилар билан музокаралар олиб бормоқда.
“Бьянконерилар” “Аталанта” ярим ҳимоячиси Тейон Копмейнерсга ҳам қизиқиш билдирмоқда. Турин клубининг 25 ёшли нидерландиялик қизиқиши шу йилнинг февраль ойида маълум бўлганди. Ёзда “Аталанта” уни 50 миллион еврога баҳолаган бўлса, январда бу нарх 40–45 миллион еврогача тушиши мумкин.
TuttoJuve нашри хабарига кўра, "Ювентус" Судаков учун 25 миллион евро тўлашга тайёр. Украиналик футболчи жорий мавсумда "Шахтёр" сафида барча турнирларда 17та ўйин ўтказди. Унинг ҳисобида учта гол ва битта голли узатма бор.
