Shvesiyaning "Yurgorden" klubi yarim himoyachisi Lukas Bergvall Ispaniya chempionatiga o‘tishi mumkin. Bu haqda klub sport direktori Boss Anderson ma’lum qildi.
"Aytishim mumkinki, biz "Barselona" bilan bu futbolchi borasida aloqalarimiz bor. Biz o‘tgan hafta ular bilan bog‘landik, shundan so‘ng boshqa muzokaralar bo‘lmadi", — dedi Anderson Fotbollskanalen bilan suhbatda.
Bergvall shu yilning fevral oyidan beri "Yurgorden" futbolchisi sanaladi. 17 yoshli futbolchi jamoa safida barcha turnirlarda 29 ta o‘yin o‘tkazib, 3 ta gol va bitta golli uzatmaga mualliflik qilgan. Transfermarkt portali uning qiymatini besh million yevroga baholamoqda.
