Швециянинг "Юргорден" клуби ярим ҳимоячиси Лукас Бергвалл Испания чемпионатига ўтиши мумкин. Бу ҳақда клуб спорт директори Босс Андерсон маълум қилди.
"Айтишим мумкинки, биз "Барселона" билан бу футболчи борасида алоқаларимиз бор. Биз ўтган ҳафта улар билан боғландик, шундан сўнг бошқа музокаралар бўлмади", — деди Андерсон Fotbollskanalen билан суҳбатда.
Бергвалл шу йилнинг февраль ойидан бери "Юргорден" футболчиси саналади. 17 ёшли футболчи жамоа сафида барча турнирларда 29 та ўйин ўтказиб, 3 та гол ва битта голли узатмага муаллифлик қилган. Transfermarkt портали унинг қийматини беш миллион еврога баҳоламоқда.
