Oldin xabar berilganidek, "Andijon" jamoasining iqtidorli o‘yinchilaridan biri Farhod Sohibjonov O‘zbekiston olimpiya terma jamoasiga taklif qilindi va Turkiya bo‘ladigan o‘quv-mashg‘ulot yig‘inida ishtirok etadi.
Futbolchi “Andijon” matbuot xizmatiga quyidagilarni aytdi:
"Olimpiya terma jamoasiga chaqirishganidan xursand bo‘ldim. Avvalambor, menga ishonch bildirib, qo‘llab-quvvatlagan “Andijon” jamoamga va muxlislarimizga rahmat aytaman.
Shu o‘rinda meni O‘zbekiston olimpiya terma jamoasiga taklif qilgan bosh murabbiy Timur Kapadzega ham minnatdorchilik bildiraman. Bu imkoniyatdan foydalanib, o‘zimni nimalarga qodirligimni ko‘rsataman.
Xudo xohlasa, Parijda bo‘ladigan Olimpiadaga terma jamoamiz bilan birga borishni niyat qilyapman. Albatta, katta mehnat qilishim kerak”, - deydi Sohibjonov.
