Олдин хабар берилганидек, "Андижон" жамоасининг иқтидорли ўйинчиларидан бири Фарҳод Соҳибжонов Ўзбекистон олимпия терма жамоасига таклиф қилинди ва Туркия бўладиган ўқув-машғулот йиғинида иштирок этади.
Футболчи “Андижон” матбуот хизматига қуйидагиларни айтди:
"Олимпия терма жамоасига чақиришганидан хурсанд бўлдим. Авваламбор, менга ишонч билдириб, қўллаб-қувватлаган “Андижон” жамоамга ва мухлисларимизга раҳмат айтаман.
Шу ўринда мени Ўзбекистон олимпия терма жамоасига таклиф қилган бош мураббий Тимур Кападзега ҳам миннатдорчилик билдираман. Бу имкониятдан фойдаланиб, ўзимни нималарга қодирлигимни кўрсатаман.
Худо хоҳласа, Парижда бўладиган Олимпиадага терма жамоамиз билан бирга боришни ният қиляпман. Албатта, катта меҳнат қилишим керак”, - дейди Соҳибжонов.
