Kataloniyaning "Barselona" klubi "Jenoa"ning 21 yoshli ruminiyalik himoyachisi Radu Dregushinni kuzatib bormoqda, deya xabar bermoqda "Sport " nashri jurnalisti Alfredo Martines.
Futbolchining shartnomasidagi tovon puli 30 million yevroni tashkil qiladi. Kataloniyaliklardan tashqari unga Yevropaning yana bir qancha yirik klublari, xususan, Premyer-ligadan qiziqish bildirmoqda.
Eslatib o‘tamiz, yozda "Jenoa" futbolchini bir yillik ijaradan keyin "Yuventus"dan 5,5 million yevroga sotib olgandi. Umumiy hisobda Radu “Jenoa” safida 59 ta o‘yinda maydonga tushib, 5 ta gol va bitta golli uzatmaga mualliflik qilgan. Himoyachi Ruminiya terma jamoasi safida 12 ta o‘yin o‘tkazgan.
“Barselona” ayni damda 35 ochko bilan Ispaniya chempionati turnir jadvalida uchinchi o‘rinda bormoqda. Eslatib o‘tamiz, “Barselona” Ispaniya chempionatidagi so‘nggi uchrashuvida “Valensiya” bilan 1:1 hisobida durang o‘ynagan edi.
