Каталониянинг "Барселона" клуби "Женоа"нинг 21 ёшли руминиялик ҳимоячиси Раду Дрэгушинни кузатиб бормоқда, дея хабар бермоқда "Sport " нашри журналисти Альфредо Мартинес.
Футболчининг шартномасидаги товон пули 30 миллион еврони ташкил қилади. Каталонияликлардан ташқари унга Европанинг яна бир қанча йирик клублари, хусусан, Премьер-лигадан қизиқиш билдирмоқда.
Эслатиб ўтамиз, ёзда "Женоа" футболчини бир йиллик ижарадан кейин "Ювентус"дан 5,5 миллион еврога сотиб олганди. Умумий ҳисобда Раду “Женоа” сафида 59 та ўйинда майдонга тушиб, 5 та гол ва битта голли узатмага муаллифлик қилган. Ҳимоячи Руминия терма жамоаси сафида 12 та ўйин ўтказган.
“Барселона” айни дамда 35 очко билан Испания чемпионати турнир жадвалида учинчи ўринда бормоқда. Эслатиб ўтамиз, “Барселона” Испания чемпионатидаги сўнгги учрашувида “Валенсия” билан 1:1 ҳисобида дуранг ўйнаган эди.
