"Manchester Yunayted" vingeri Jeydon Sancho "RB Leypsig"ga o‘tmaydi.
23 yoshli futbolchi sentyabr oyidan buyon maydonga tushmayapti - u bosh murabbiy Erik ten Xag bilan mojaro tufayli futboldan chetlashtirilgan edi.
Yaqinda OAV xabar qilganidek, "RB Leypsig"ga o‘tish ingliz futbolchisi uchun yanvar oyidagi transfer oynasida variantlardan biri bo‘ladi, ammo bunday ssenariy amalga oshishi dargumon.
Jurnalist Florian Plettenbergning yangilangan ma’lumotlariga ko‘ra, Sancho "Red Bulls"ning nishoni emas va muzokaralar davom etmayapti.
Futbolchi baribir o‘z klubida qolib, yangi imkoniyatga ega bo‘lishni afzal ko‘rmoqda.
