"PSJ" braziliyalik yarim himoyachi Gabriel Moskardo bilan shartnoma imzolaydi.

Parij klubi va "Korintians" o‘rtasidagi muzokaralar so‘nggi pallada.

Kecha tomonlar kelishuv shartlarini kelishib oldilar: yarim himoyachi 22 million yevro evaziga "PSJ"ga o‘tadi, yana 1 millioni bonuslar ko‘rinishida to‘lanishi mumkin. Bitimni yakunlash uchun faqat kerakli hujjatlarni tayyorlash qoladi.

Avvalroq Moskardoga "Barselona", "Chelsi", "Liverpul" va "Arsenal" klublari qiziqish bildirayotgani haqida xabar berilgandi.

2023 yilda Gabriel Braziliya chempionatida 18 ta o‘yin o‘tkazib, 1 ta gol va 1 ta golli uzatmani amalga oshirgan.