"ПСЖ" бразилиялик ярим ҳимоячи Габриэль Москардо билан шартнома имзолайди.
Париж клуби ва "Коринтианс" ўртасидаги музокаралар сўнгги паллада.
Кеча томонлар келишув шартларини келишиб олдилар: ярим ҳимоячи 22 миллион евро эвазига "ПСЖ"га ўтади, яна 1 миллиони бонуслар кўринишида тўланиши мумкин. Битимни якунлаш учун фақат керакли ҳужжатларни тайёрлаш қолади.
Аввалроқ Москардога "Барселона", "Челси", "Ливерпуль" ва "Арсенал" клублари қизиқиш билдираётгани ҳақида хабар берилганди.
2023 йилда Габриэль Бразилия чемпионатида 18 та ўйин ўтказиб, 1 та гол ва 1 та голли узатмани амалга оширган.
