Xabi Alonso qishki tanaffus oldidan "Bayer"ning Bundesligadagi yetakchiligi haqida gapirdi.

Leverkuzenliklar bosh murabbiyi "Boxum" bilan o‘yindan so‘ng (4:0) o‘z fikrlarini bildirdi.

"Birinchi 30 daqiqa biz uchun oson bo‘lmadi, o‘ta keskin o‘tdi. Birinchi va ikkinchi gollardan so‘ng biz o‘yinni nazorat qila boshladik va eng qiyin qismi allaqachon tugagan edi. Futbolchilar kuchli ruhiyat ko‘rsatishdi. Hozir jamoa munosib dam olmoqda.

Albatta, mavsumning birinchi qismini yaxshi o‘tkazishga umid qilgandik. Biz yaxshi holatdamiz va bundan zavqlanyapmiz. Lekin biz xuddi shu ruhda davom etishni istaymiz", - dedi Alonso.

16 turdan so‘ng, "Bayer" ikkinchi o‘rindagi "Bavariya"dan 4 ochkoga oldinda bormoqda.