Хаби Алонсо қишки танаффус олдидан "Байер"нинг Бундеслигадаги етакчилиги ҳақида гапирди.

Леверкузенликлар бош мураббийи "Бохум" билан ўйиндан сўнг (4:0) ўз фикрларини билдирди.

"Биринчи 30 дақиқа биз учун осон бўлмади, ўта кескин ўтди. Биринчи ва иккинчи голлардан сўнг биз ўйинни назорат қила бошладик ва энг қийин қисми аллақачон тугаган эди. Футболчилар кучли руҳият кўрсатишди. Ҳозир жамоа муносиб дам олмоқда.

Албатта, мавсумнинг биринчи қисмини яхши ўтказишга умид қилгандик. Биз яхши ҳолатдамиз ва бундан завқланяпмиз. Лекин биз худди шу руҳда давом этишни истаймиз", - деди Алонсо.

16 турдан сўнг, "Байер" иккинчи ўриндаги "Бавария"дан 4 очкога олдинда бормоқда.