Yangi qayd etilgan statistikaga ko‘ra, "Manchester Siti" hamda "Manchester Yunayted" 2022/23 yilgi mavsumning dekabrida hozirgi holatiga qaraganda ancha yaxshiroq pozisiyalarda bo‘lgan. Tabiiyki, to‘plagan ochkolari ham shunga yarasha edi.
Yaxshi tomonga o‘zgarish borasida esa "Chelsi" yetakchilik qilmoqda. Garchand ikki mavsumdan beri qiynalayotgan bo‘lsada, London klubining mavsumlar solishtirma jadvalidagi holati ancha yaxshi. Statistika klublarning ikki mavsumdagi ochkolarining farqini nazarda tutadi.
Bu borada "Chelsi"dagi yaxshilanish 6 ochkoni tashkil etgan.
Pep Gvardiola shogirdlari o‘tgan mavsumning xuddi shu qismida hozirgidan ko‘ra 12 ochko ko‘proq to‘plagandi. "MYU" esa hozirda oldingi yildan 7 ochko kamroq natija ko‘rsatmoqda. "Manchester Siti" so‘nggi 6 ta liga bahsining 5 tasida g‘alaba qozondi. Ammo mavsum davomida allaqachon 3 ta mag‘lubiyat qayd etdi. Ushbu mag‘lubiyatlar "Arsenal", "Vulverxempton" va "Aston Villa" bilan o‘yinlarda yuz bergan edi. Taqqoslash uchun, o‘tgan mavsumning birinchi davrasida aynan shu jamoalarga qarshi, "shaharliklar" jami 7 ochko jamg‘arishgan. Bu holga munosabat bildirar ekan, ijtimoiy tarmoqlardan birida "Manchester Siti" muxlisi shunday yozadi: "Yigitlar, biz bu mavsumda yaxshi qatnasha olmayapmiz".
"MYU"ga keladigan bo‘lsak, avval aytilganidek, bu jamoa o‘tgan mavsumdagidan ko‘ra 7 ochko kamroq ko‘rsatkichga ega. Qolaversa, Erik ten Xag jamoasi bu mavsumda allaqachon yetti bor mag‘lubiyatga uchradi. Bu yutqiziqlar "Arsenal", "Brayton", "Kristal Pelas", "Manchester Siti", "Nyukasl" va "Bornmut"(0-3)ga qarshi yuz berdi.
"Chelsi"da esa vaziyat yaxshi. Bu klub o‘tgan mavsumni 12 o‘rinda yakunlagandi. Pochettino jamoasi garchand 6 ochkolik o‘sishga erishgan bo‘lishiga qaramay, haliyam o‘ninchi o‘rinda qolmoqda. Shuni ham alohida ta’kidlash joizki, "Chelsi" kuchli oltilik jamoalariga qarshi birorta ham uchrashuvini mag‘lubiyat bilan tugatmadi.
Shuningdek, "Tottenxem" va "Aston Villa"da 9 ochkolik o‘sish kuzatilga bo‘lsa, "Arsenal" va "Nyukasl" bir ochkoga pasayishni qayd etgan.
ISMATOV J.
