Янги қайд этилган статистикага кўра, "Манчестер Сити" ҳамда "Манчестер Юнайтед" 2022/23 йилги мавсумнинг декабрида ҳозирги ҳолатига қараганда анча яхшироқ позицияларда бўлган. Табиийки, тўплаган очколари ҳам шунга яраша эди.
Яхши томонга ўзгариш борасида эса "Челси" етакчилик қилмоқда. Гарчанд икки мавсумдан бери қийналаётган бўлсада, Лондон клубининг мавсумлар солиштирма жадвалидаги ҳолати анча яхши. Статистика клубларнинг икки мавсумдаги очколарининг фарқини назарда тутади.
Бу борада "Челси"даги яхшиланиш 6 очкони ташкил этган.

Пеп Гвардиола шогирдлари ўтган мавсумнинг худди шу қисмида ҳозиргидан кўра 12 очко кўпроқ тўплаганди. "МЮ" эса ҳозирда олдинги йилдан 7 очко камроқ натижа кўрсатмоқда. "Манчестер Сити" сўнгги 6 та лига баҳсининг 5 тасида ғалаба қозонди. Аммо мавсум давомида аллақачон 3 та мағлубият қайд этди. Ушбу мағлубиятлар "Арсенал", "Вулверхэмптон" ва "Астон Вилла" билан ўйинларда юз берган эди. Таққослаш учун, ўтган мавсумнинг биринчи даврасида айнан шу жамоаларга қарши, "шаҳарликлар" жами 7 очко жамғаришган. Бу ҳолга муносабат билдирар экан, ижтимоий тармоқлардан бирида "Манчестер Сити" мухлиси шундай ёзади: "Йигитлар, биз бу мавсумда яхши қатнаша олмаяпмиз".

"МЮ"га келадиган бўлсак, аввал айтилганидек, бу жамоа ўтган мавсумдагидан кўра 7 очко камроқ кўрсаткичга эга. Қолаверса, Эрик тен Хаг жамоаси бу мавсумда аллақачон етти бор мағлубиятга учради. Бу ютқизиқлар "Арсенал", "Брайтон", "Кристал Пэлас", "Манчестер Сити", "Ньюкасл" ва "Борнмут"(0-3)га қарши юз берди.
"Челси"да эса вазият яхши. Бу клуб ўтган мавсумни 12 ўринда якунлаганди. Почеттино жамоаси гарчанд 6 очколик ўсишга эришган бўлишига қарамай, ҳалиям ўнинчи ўринда қолмоқда. Шуни ҳам алоҳида таъкидлаш жоизки, "Челси" кучли олтилик жамоаларига қарши бирорта ҳам учрашувини мағлубият билан тугатмади.
Шунингдек, "Тоттенхэм" ва "Астон Вилла"да 9 очколик ўсиш кузатилга  бўлса, "Арсенал" ва "Ньюкасл" бир очкога пасайишни қайд этган.

ИСМАТОВ Ж.